|
Saturday, January 28, 2012
|
| |
| 起身執埋D野就去土爪灣比野夫人，比完野之後就比夫人拉左上去你嫲嫲屋企打牌。
到咁上下就坐夫人爸爸車去荃灣，之後我就搭巴士番新城市逛逛，跟住就番屋企。
Monday, January 23, 2012 起身就出中環食lunch，之後去ifc逛下，原來ifc係冇G2000的．．．到咁上下就搭船入長洲拜年。
食埋飯就出番香港，之後搭天星小輪過尖沙咀。
都仲係買唔倒我要搵既野．．．去到Ocean Terminal間G2000岩岩刪左門．．．算！番屋企！
|
| |
| 起身就番教會，係長沙灣地鐵站幫夫人買包包，等埋佢就一齊行過五邑。
點知過到去先知原來今日唔係我地帶．．．＝３＝
崇拜完左就call人去佐敦Neway唱K，唱到七點幾就走。
我送夫人去巴士站，等佢上埋車去食團年飯我就行番番紅墈火車站搭車番沙田
去左G2000買衫，買完就番屋企～呢幾日都未抖過咁滯！好累呀！
Saturday, January 21, 2012 起身幫夫人份生日禮物作最後準備，影埋相，換好衫就出門口。
今晚我地去Ruby Tuesday度食，攞左位我地就去逛下，睇到咁上下就上番去Ruby Tuesday度食野嚕～
叫左好多野食，最後食唔晒～呵呵
食飽飽就到送禮物既時間勒～夫人又話我做乜送Ｄ咁貴既野比你嚕～不過我知你鍾意既～
送完就走人嚕～聽日仲要帶詩呀～！
Friday, January 20, 2012 起身就繼續準備夫人份生日禮物，到咁上下就出門口去佐敦搵大舅父拎野
拎完會合夫人同佢一齊番屋企食飯，因為我地星期日要兒童區帶詩，但係我地練都未練過．．．
練完我就搭地鐵番屋企，繼續準備夫人份生日禮物～
Thursday, January 19, 2012 今日開始到月尾都唔駛番咁滯！算！
起身到咁上下就出新城市買夫人份生日禮物。
買完就番屋企就執野番教會幫夫人借背囊，借完就去搵阿Bob佢地。
去到Cathy介紹果間源汁源味先知佢歲晚冇開門．．．
跟住我地就行左落深水埗食炳記牛牛。
食完之後我就比番晒ＡＹＰ Ｄ紀錄簿佢地，跟住我地就轉戰Ｍ記玩Card Game～正呀！
玩到咁上下就走嚕～
Wednesday, January 18, 2012 起身就番VMX，番到去要幫手搬台，到咁上下就去學日文。
學完之後就行落尖沙咀等夫人，佢買左團購剪頭髮今日用。
係尖沙咀逛左成粒鐘夫人終於剪完～
會合埋之後去左唦嗲王食，食完就番屋企嚕～
Tuesday, January 17, 2012 起身煮個麵食就番VMX，夫人食完lunch就去Bossini度等我。
我地做到七點半倒就走，之後我就陪夫人去旺角拎野，拎完我就搭巴士走，因為我真係好累！
     
無啦啦比人話我唔講野囉．．． |
| |
